Հաղորդում հանցագործության մասին (ֆոտոշարք)
Այսօր «Հայրենիք», «Բարգավաճ Հայաստան» և «Հայ Յեղափոխական Դաշնակցություն» կուսակցությունները հանցագործության մասին հաղորդում ներկայացրեցին ՀՀ գլխավոր դատախազություն՝ պահանջելով քրեական գործ հարուցել օրենսդիր իշխանության ներկայացուցիչների և բարձրադիր պաշտոնատար այլ անձանց հանցակցությամբ առանձնապես ծանր հանցանքներ կատարելու փաստերի առթիվ։
«Հանցագործության մասին հաղորդումը ներառում է այս երկու տարիների ընթացքում նախաձեռնված և իրականացված ամբողջ գործընթացը։ Մասնավորապես մենք հիշում ենք, որ քաղաքական իշխանությունները կազմակերպված ձևով և խմբի կողմից Վահե Գրիգորյանին Սահմանադրական դատարանի դատավոր նշանակելու համար իրականացրեց բազմաթիվ գործողություններ։ Այդ թվում, եթե հիշում եք, օրենքի խախտում կար, որ երկրորդ անգամ չի կարելի ներկայացնել։ Բացի այդ, հետագայում, Վահե Գրիգորյանի կողմից Սահմանադրական դատարանի նախագահի ինքնահռչակումը և դրանից հետո, արդեն ձեզ հայտնի օրենքների փոփոխությունները, մասնավորապես՝ Սահմանադրական դատարանի դատավորների վաղ կենսաթոշակի ուղարկելու այդ ապօրինի օրենքը»,- լրագրողների հետ զրույցում մանրամասնում է «Հայրենիք» կուսակցության ներկայացուցիչ Արսեն Բաբայանը՝ հավելելով, որ չեն մոռացել նաև հարուցված բազմաթիվ քրեական գործերը՝ թե Սահմանադրական դատարանի նախագահի սանիկների հանդեպ, և թե ընդհանրապես ոստիկանական ճնշումները Սահմանադրական դատարանի դատավորների նկատմամբ։
Բաբայանը թվարկվածներին գումարում է Սահմանադրության վերջին փոփոխությունները և այսօր ԱԺ-ում կայանալիք արտահերթ նիստը, որի ընթացքում այսպես ասած իրենց «փնթի աշխատանքը» պետք է փորձեն սղագրել իմքայլականները, քանի որ Սահմանադրական դատարանի մասին Սահմանադրական օրենքում պետք է իրականացվի փոփոխություն, որը չի իրականացվել։
Նաիրա Զոհրաբյանը նշում է, որ համագործակցող ուժերն ակնկալում են Գլխավոր դատախազության ողջախոհությունը, քանի որ ներկայացված փաստերը առավել քան հիմնավոր են և անբեկանելի։
ՀՅԴ ներկայացուցիչը չվարանեց «զավթողական» անվանել անցած 1,5 տարվա վարված քաղաքականությունը դատարանների նկատմամբ, արդեն եղել են քաղաքական գնահատականներ տարբեր քաղաքական միավորների կողմից, որին հաջորդել են իրավական գնահատականները։
Քրիստինե Հովսեփյան
Recent Posts
Ճապոնիան Հայաստանի կարևոր գործընկերներից է. Հակոբ Արշակյան
Միջխորհրդարանական միության 150-րդ վեհաժողովի շրջանակում ՀՀ ԱԺ նախագահի տեղակալ Հակոբ Արշակյանը Տաշքենդում հանդիպել է Ճապոնիայի…
Պատրաստ ենք բանակցել ԱՄՆ-ի հետ. ֆոն դեր Լայեն
Եվրոպական հանձնաժողովի նախագահ Ուրսուլա ֆոն դեր Լայենը հայտարարել է, որ Եվրոմիությունը ԱՄՆ-ին առաջարկել է արդյունաբերական…
Գևորգ Պապոյանն Աբու Դաբիում հանդիպում է ունեցել ԱՄԷ էկոնոմիկայի նախարարի հետ
ՀՀ էկոնոմիկայի նախարար Գևորգ Պապոյանն Աբու Դաբիում մասնակցում է «Ամենամյա ներդրումային համաժողով»-ին։ Միջոցառման շրջանակում նախարարը…
Մակրոնը կայցելի Գազային ամենամոտ եգիպտական քաղաք
Ֆրանսիայի նախագահ Էմանուել Մակրոնը վաղը կայցելի Գազային մոտ գտնվող Եգիպտոսի Էլ Արիշ քաղաք։ Այս այցը…
Առաջին եռամսյակում պահպանվում են տնտեսական ակտիվության միտումները
Վարչապետ Նիկոլ Փաշինյանն ընդունել է Արժույթի միջազգային հիմնադրամի (ԱՄՀ) հայաստանյան առաքելության ղեկավար Իվա Պետրովային, ով…
10604 քաղաքացի ետ է ստացել 978 միլիոն դրամ սոցիալական կրեդիտ
ՀՀ վարչապետ Նիկոլ Փաշինյանը սոցցանցի իր էջում գրել է. «Հունվարի 1-ից մինչև օրս Համընդհանուր հայտարարագիր…