Տեղի է ունեցել ՀՀԿ Գործադիր մարմնի հերթական նիստը, որը վարել է ՀՀԿ նախագահ Սերժ Սարգսյանը։ Հայտնի է, որ նիստում քննարկվել են Հայաստանում ստեղծված համաճարակաբանական իրավիճակը, խորացող սոցիալ-տնտեսական ճգնաժամը, ներքաղաքական մի շարք զարգացումներ։
Հատկանշական է, որ վերջին շրջանում հանրապետականները նկատելի աշխուժացել են և փորձում են կրկին քաղաքական անցուդարձի ակտիվ մաս կազմել։ Ակնհայտ է՝ վերջին բաստիոնի կորուստը, նաև ուժային կառույցների ղեկավարների փոփոխությունը մեծ անհանգստություն է պատճառել նախկիններին և ստիպել է դուրս գալ ընդհատակից, քանզի կուլիսներից տարվող աշխատանքն էլ արդյունավետ չէ և հետագա գործողությունների ընթացքն էլ կանխատեսելի է։
Հիշեցնենք՝ վարչապետ Նիկոլ Փաշինյանը բազմիցս խոսել է «տեղից չշարժվող» կոռուպցիոն գործերի մասին՝ ակնարկելով, որ նման ձգձգումներն ունեին հստակ պատճառներ։ Դե քանի որ այլևս «խոչընդոտները» ապամոնտաժված են, հանրապետականների մոտ առաջացել են անհանգստության լուրջ պատճառներ և պայքարելու դրդապատճառներ։ Պարզապես պետք է հասկանալ պայքարելու համար ընտրված մեթոդների հուսալիությունը, քանի որ մինչ այսօր ականատես ենք լինում էժանագին ինտրիգների, հրահրված սադրանքների և դրսերում օգնության ձեռք փնտրողների դեգերումների։ Գուցեև նման գործելաոճը տալիս է պտուղներ, բայց միայն վիրտուալ քամու ձևով, որ էլ ավելի գորշություն է հաղորդում քաղաքական դիմագծին։
Նշվում է, որ նիստում շոշափվել է այլ քաղաքական և հասարակական ուժերի հետ ընդհանրական քաղաքական օրակարգի ձևավորման և հնարավոր փոխգործակցության հարցը։ Կոնսոլիդացիա՝ ձևավորված ասենք ԲՀԿ-ի և Ռոբերտ Քոչարյանի հետ համատեղ (հայտնի է, որ Սերժ Սարգսյանն ու Ռոբերտ Քոչարյանը հանդիպում են ունեցել)։ Այստեղ քննարկելու բան էլ չկա, ամեն ինչ հասկանալի է առաջին իսկ հայացքից, կոալիցիա՝ մերժված անցյալը վերադարձնելու ակնկալիքով։
Քրիստինե Հովսեփյան
Չինաստանում անօդաչու սարքերի ցուցադրությանը միաժամանակ երկինք է բարձրացել 7598 անօդաչու թռչող սարք՝ սահմանելով նոր համաշխարհային…
Առողջապահության նախարարի տեղակալ Արտակ Ջումայանն աշխատանքային երկօրյա այցով Սյունիքի մարզում է։ Նա հանդիպումներ է ունեցել…
«Հըզբոլլահի» գլխավոր քարտուղար Հասան Նասրալլայի մարմինը դուրս է բերվել ավիահարվածի վայրից, տեղեկացնում է Reuters-ը։ Ըստ աղբյուրի՝…
The Insider-ին հասանելի են դարձել մի շարք պաշտոնական փաստաթղթեր՝ «Բևեռային գայլեր» ուղղիչ գաղութում ռուս ընդդիմադիր գործիչ Ալեքսեյ…
ԱՄՆ նախկին նախագահ, նախագահի թեկնածու Դոնալդ Թրամփը Սպիտակ տան ներկայիս ղեկավար Ջո Բայդենին անվանել է…
Սեպտեմբերի 26-ին Ադրբեջանի նախագահ Իլհամ Ալիեւը կառավարության առանցքային պաշտոնյաների մասնակցությամբ տնտեսական հարցերին նվիրված խորհրդակցություն է…