Ամերիկացի դերասան Թոմ Հենքսը, ով մարտին վարակվել էր կորոնավիրուսով, «Գրեյհաունդ» ֆիլմի թողարկմանը նվիրված մամուլի ասուլիսի ժամանակ բոլորին կոչ է արել կրել բժշկական դիմակներ։ Դերասանի խոսքով անհասկանալի է, թե ինչու են մարդիկ այդքան դժվարությամբ պահում պարզ հակահամաճարակային կանոնները։
«Կա ընդամենը 3 պարզ կանոն՝ կիրել դիմակ, պահպանել սոցիալական հեռավորություն ու լվանալ ձեռքերը։ Դրանք շատ պարզ կանոններ են և եթե դուք չեք կարողանում հետևել դրանց, պետք է ամաչեք։ Մի եղեք հիմար, պահպանեք կանոններն ու օգնեք։ Ամեն ինչ չափազանց հեշտ է։ Երբ դուք մեքենա քշելուց չեք գերազանցում սահմանված արագությունը, անում եք ճիշտ շրջադարձեր խուսափում եք բախումից։ Աստված իմ դա այնքան պրիմիտիվ է»։
