Կարող եմ ասել, որ ամեն դեպքում իմ հանդեպ ոչ մի կանխակալ կամ դրական այլ հովանավորչական վերաբերմունք չկա: Թե ինչու կալանք չի եղել, պետք է նախաքննության մարմինը պատասխանի: Այս մասին լրագրողների հետ զրույցում ասել է Էջմիածնի նախկին քաղաքապետ Դիանա Գասպարյանը՝ պատասխանելով լրագրողի այն հարցին, թե ինչով է պայմանավորված իր ազատության մեջ լինելն այն դեպքում, երբ նմանօրինակ դրվագներով ընդդիմադիր քաղաքական գործիչներին միանգամից կալանքի են տանում:
«Այսօր առաջին նախնական դատական նիստն է: Կլինի մամուլի ասուլիս, բոլորիդ կհրավիրեմ, այդ ժամանակ էլ կպատասխանեմ բոլոր հարցերին»,- նշել է նա:
Նշենք, որ այս պահին Էջմիածնի նախկին քաղաքապետ Դիանա Գասպարյանի գործով առաջին դատական նիստն է ընթանում:
Հիշեցնենք, որ նրան մեղադրանք է առաջադրվել պաշտոնեական դիրքի չարաշահման և փողերի լվացման հատկանիշներով։ Քրեական վարույթի հիմք է հանդիսացել «Հետքի»՝ 2023թ. դեկտեմբերի 5-ի հրապարակումը՝ «Դիանա Գասպարյանի սկեսուրն Էջմիածնում ապօրինի շինարարություն է սկսել»:
Հիշեցնենք` Էջմիածնի նախկին համայնքապետ Դիանա Գասպարյանի քրեական գործով որոշում է կայացվել:
