Սեփական ես-ի ու ինքնության որոնումները կարանտինի ժամանակ ամենահարմար զբաղմունքն է ստեղծագործող մարդկանց համար։ Թատրոնի և կինոյի դերասան Վլադիմիր Միշկովի մասնակցությամբ BIPOLARGROTESQUE ֆոտոնախագիծը գենդերային թեմայով համարձակ ու ակտուալ ասելիքով է։

Լուսանկարների այս շարքը գիտակրթական հետազոտություն չէ։ Այն իր տեսակով կլոունադա է, որն իր խաղարկային բնույթի օգնությամբ թույլ է տալիս հատել սեփական սեռի սահմաններն ու մոտենալ հակառակ սեռին և գուցե հայտնվել գենդերից դուրս մի տարածության մեջ, որտեղ քնքշության, ագրեսիայի, վախի, էրոտիզմի դրսևորումները նույնական են երկու սեռերի միջև։