Ձեզ ենք ներկայացնում մի քանի խորհուրդներ, թե ինչպիսին չպետք է լինի տղամարդը։ Եվ այսպես, մի կապեք ձեր կյանքը նրա հետ ՝
1․ Եթե նա պատրաստ չէ զիջումների գնալ։ Տղամարդիկ համառ են։ Դա լավ է ընտանեկան կյանքում, երբ օրինակ ամուսինը որոշում է ներկել տան պատերն ու վճռականորեն անում է։ Հարաբերություններում բնավորության այդ գիծն ամեն ինչ փչացնում է։ Տղամարդկանց մոտ ամուր կառուցված կարծրատիպ կա, ըստ որի եթե ընդառաջում ես կնոջը, ապա թույլ ես կամ ռուսերեն ասած “подкаблучник”։
2. Եթե նա չունի հումորի զգացում։ Հումորի զգացումից զուրկ տղամարդիկ ձանձրալի են։ Ընտանեկան կյանքը երկար մելադրամա է և եթե այնտեղ չկա հումորի էլեմենտ, ապա իրավիճակը շատ տխուր է։ Շատ կանանց հենց այս հատկանիշն է գրավում տղամարդկանց մոտ ու շատ հաճախ այն ավելի է գնահատվում, քան օրինակ արտաքին տեսքը։
3. Եթե նա վատ է արտահայտվում իր նախկին կանանց մասին։ Երբ լսեք, որ նա իր նախկինին անվանում է վատ բառերով ու տալիս պիտակավորումներ, միանգամից նրան ասեք ցտեսություն։ Որովհետև կինն ինչպիսին էլ որ լինի տղամարդը պարզապես պետք է նման արտահայտություններ չանի, առավել ևս չպետք է քննարկի իր նախկին ընկերուհիներին ձեր ներկայությամբ։
4. Եթե նա ժլատ է։ Սա թերևս տղամարդու մեջ ամենասարսափելի հատկանիշն է։ Նա կարող է հագնել կեղտոտ բոթասներ, խռռացնել քնի մեջ, ծխել տանը, բայց երբեք չպիտի լինի ժլատ։ Բնավորության այս գիծը թերևս ամենաարագն է ի հայտ գալիս, ուստի չարժե նման տղամարդու հետ շարունակել հարաբերությունները։
