Լապշինի հայաստանյան բացահայտումները

Ճանապարհորդ բլոգեր Ալեքսանդր Լապշինը շարունակում է բացահայտել մեր երկրի ամենահետաքրքիր ու անհայտ կողմերը։ Նա հայերիս հաճախ մեր երկրում այնպիսի վայրեր է ցույց տալիս, որոնց գոյության մասին տարիներ շարունակ չենք իմացել։
Բլոգերն իր այս գրառման մեջ անդրադարձ է կատարել Հայաստանի աղի ջրերին ու եղել շատ հետաքրքիր վայրերում։ «Զարմանալի է, բայց Երևանի բնակիչների մեծ մասն անգամ չի կասկածում, որ քաղաքում միանգամից երեք լիճ կա, որոնցից երկուսն այնքան աղի են, ինչպես Մեռյալ ծովը։ Մտնում եք ջուրը և պառկում ջրի վրա՝ ձեռքից բաց չթողնելով ամսագիրը կամ թերթը։ Կարող եք փոխել ջրավազանը՝ անցնելով հաջորդը, որը 20 մետր հեռավորության վրա է։ Լողալուց հետո իսկական ժամանակն է ցնցուղ ընդունել մոտակա աղբյուրի խորքային հատվածում։ Հարմարության համար կան տուֆից ինքնաշեն սեղան և աթոռներ, հանդերձարան հիշեցնող կառույց և անգամ մանղալ՝ խորոված անելու համար։ Այս ամենով իհարկե ուրախությունները վերջանում են, և սկսվում է խորհրդային դաժան իրականությունը։ Անհասկանալի պատճառով բնության այս հրաշալի անկյունը տեղակայված է գիպսի նախկին գործարանի տարածքում՝ քաղաքային աղբանոցի հարևանությամբ»,-գրում է բլոգերը։

Ավելին՝ peoplemedia.am

https://peoplemedia.am/haykakan-meryal-covn-u-yerevanyan-venetiky-lapshini-hayastanyan-bacahaytumnery-sharunakvum-en/?fbclid=IwAR02ai5qbxWybhW3-RPZzUpDSqLSELsoGYOD0Tu09EgrWA6DcBdnTDvYCfM