Նախօրեին, սահմանային լարված իրավիճակի պայմաններում, հակառակորդը շարունակել է ագրեսիվ գործողություններ իրականացնել ոչ միայն մարտական, այլև տեղեկատվական դաշտում:
Ադրբաջանի պաշտպանության նախարարության մամուլի խոսնակը, պատասխանելով այն թեզին, որ հայերը կարող են պայթեցնել Մինգենչաուրի ջրամբարը, սպառնացել է, որ իրենք կարող են կրակ բացել ատոմակայանի ուղղությամբ: Հատկանշական է այն, որ Հայաստանի կողմից Մինգենչաուրի ջրամբարը պայթեցնելու որևէ կոչ, բնականաբար, չի հնչել:
Միջազգային հանրության հետ շանտաժի լեզվով խոսելու և սեփական ժողովրդին Ադրբեջանի հզոր բանակի մասին հեքիաթներով կերակրելու ոճը հակառակորդի համար նորություն չէ, սակայն նման որակի սպառնալիքները արդեն անցնում են ողջամտության բոլոր սահմանները:
Ապրիլյան պատերազմի օրերին հակառակորդը սպառնում էր հարվածել Ստեփանակերտին, դրանից հետո խոսվեց Երևանի՝ իրենց պատմական հողեր լինելու մասին, իսկ այսօր հերթը հասավ ատոմակայանին: Ադրբեջանի այս հայտարարությանը հետևեց ՀՀ ԱԳՆ, ՊՆ ներկայացուցիչների և մի շարք փորձագետների, միջուկային մասնագետների արձագանքը:
Հայաստանը, գտնվելով պատերազմական դրության մեջ, ունենալով երկու հարևանների հետ փակ սահմաններ, գիտակցելով, որ գտնվում է սեյսմիկ գոտում, ատոմակայանը կառուցելիս հաշվի է առել մի շարք տարրական առանձնահատկություններ՝ օրինակ քամու ուղղությունը: Այլ կերպ ասած Ադրբեջանը ատոմակայանին հարվածելով ավելի մեծ վնաս կտա ինքը իրեն և իր եղբայրական ընկերոջը՝ Թուրքիային, քանի որ արտազատված նյութերը քամին քշելու է ուղիղ այդ ուղղությամբ:
Դժվար թե Ադրբեջանում այս ամենը իրականում չգիտեն, պարզապես նման սպառնալիքները իրենց համար նորմալ երևույթ են և սեփական ժողովրդի ագրեսիան հայերի հանդեպ է՛լ ավելի բորբոքելու դատարկ փուչիկ են:
Հայաստանի Հանրապետության և առհասարակ Հարավային Կովկասում գտնվող կենսական և ռազմական առանցքային նշանակություն ունեցող օբյեկտը պայթեցնելու մասին սպառնալիքը չստացավ իր արժանի գնահատականը միջազգային հանրության կողմից, թեև նման դեպքում բոլոր միջազգային կառույցները պետք է հանդես գային կոշտ հայտարարություններով, իսկ որոշ կառույցներ՝ օրինակ ՄԱԿ-ը, կարող էին սպառնալ պատժամիջոցներով, սակայն միջազգային հանրությունը լռում է:
Նելլի Խաչատրյան
ԱՄՆ Ֆլորիդա նահանգի 35 շրջաններում արտակարգ դրություն է հայտարարվել մոտեցող արևադարձային «Միլթոն» փոթորկի պատճառով, հայտնել…
Իռլանդիայում կայացել է Եվրոպայի անվտանգության եւ համագործակցության կազմակերպության խորհրդարանական վեհաժողովի աշնանային նստաշրջանը: ԱԺ-ից հայտնում են, որ…
Գազայի հատվածի կենտրոնական մասում գտնվող Դեյր էլ Բալահ քաղաքի դպրոցի և մզկիթի վրա իսրայելական հարվածի…
Լիբանանի վարչապետ Նաջիբ Միքաթին Իսրայելին կոչ է արել անհապաղ դադարեցնել կրակը և կատարել ՄԱԿ-ի Անվտանգության…
Tesla-ի և SpaceX-ի հիմնադիր Իլոն Մասկը մասնակցել է ԱՄՆ նախագահի հանրապետական թեկնածու Դոնալդ Թրամփի՝ Բաթլեր…
Փրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Լարսի մասին Վրաստանի ՆԳՆ ԱԻ…