Մոսկվայաբնակ հայերը բոյկոտում են ադրբեջանական շուկաները։ «Ռուսաստանի հայերի միավորում» կազմակերպության խորհրդի անդամ Դավիթ Տոնոյանի խոսքով «Ֆուդ սիթի» առևտրի կենտրոնն առանց հայերի չի գործի։ Ավելի վաղ ՌԴ-ում ՀՀ դեսպան Վարդան Տողանյանը հայտնել էր, որ Մոսկվայում գտնվող «Ֆուդ սիթի» առևտրի կենտրոնում չեն թողնում հայկական գյուղմթերքի վաճառք իրականացնել։ Ավելի քան 50 մեքենայի չեն թույլատրել մտնել շուկա։ Կենտրոնի սեփականատերերն ադրբեջանցիներ են՝ Գոդ Նիսանովն ու Զարախ Իլիևը։