«Իսրայելը պետք է դադարեցնի Ադրբեջանի հետ մահաբեր բիզնեսը»,- իսրայելական The Jerusalem Post թերթին տված հարցազրույցում հայտարարել է ԱԳ նախարար Զոհրաբ Մնացականյանը։ Նա ընդգծել է, որ վերջին տարիներին երկու երկրների հարաբերությունները բարելավվել են, բայց Իսրայելը շարունակում է Ադրբեջանին վաճառել սպառազինություն, որն օգտագործվում է Հայաստանում քաղաքացիական ենթակառուցվածքները թիրախավորելու համար։
«Ադրբեջանի հետ զենքի առևտուրը մահացու է, որովհետև Ադրբեջանը երբեք չի երկմտում այդ զենքերը քաղաքացիական ենթակառուցվածքների, քաղաքացիական բնակչության դեմ օգտագործելիս։ Մենք մշտապես արծածելու ենք այս հարցը, դա միշտ մեր օրակարգի հարցն է լինելու երկկողմ և բազմակողմ պլատֆորմերում»,- շեշտել է Մնացականյանը։
Անդրադառնալով տավուշյան մարտերում հայկական կողմից խոցված իսրայելական ԱԹՍ-ներին՝ նախարարն ասել է, որ հայկական զինուժը չեզոքացրել է ադրբեջանական զենքերն՝ անկախ դրանց ծագման. «Այդ զենքերը մեզ համար մահաբեր են, քանի որ սպանում են մեր ժողովրդին»։