Ինչպես հաղորդում է CNN-ը, այսօր 7.3 մագնիտուդ ուժգնությամբ հզոր երկրաշարժ է տեղի ունեցել ինդոնեզական Տանիմբեր կզղիախմբի հարևանությամբ, որի ցնցումները զգացվել են նաև Հյուսիսային Ավստրալիայում: Ըստ ԱՄՆ-ի երկրաբանական հետազոտությունների գործակալության՝ երկրաշարժի էպիկենտրոնը գտնվում է 208 կմ խորության վրա: Ավստրալական Դարվին քաղաքի(գտնվում է էպիկենտրոնից 720 կմ հեռավորության վրա) բնակիչները հայտնել են, որ ուժգին ցնցումները զգացվել են նաև իրենց տներում: Զոհերի և ավերածությունների մասին տեղեկություններ առայժմ չեն հաղորդվում: