«Wildberries»–ի` Կոլեդինոյում գտնվող լոգիստիկ կենտրոնը շարունակում է բնականոն աշխատանքը։ Այս մասին հայտնում է ընկերության մամուլի ծառայությունը:
«Ավելի վաղ այս պահեստային համալիրում տարհանում էր իրականացվել` անվտանգության նկատառումներից ելնելով, այժմ մարդիկ վերադարձել են իրենց բնականոն աշխատանքին», – ասված է հայտարարության մեջ:
Հիշեցնենք` հուլիսի 17-ի լույս 18–ի գիշերը ուկրաինական անօդաչու թռչող սարքերը հարձակվել էին «Wildberries»–ի` Տամբովի մարզի Կոտովսկ քաղաքում և մերձմոսկովյան Էլեկտրաստալում գտնվող լոգիստիկ կենտրոնների վրա: Ավելի ուշ հայտնի դարձավ, որ ահաբեկչության զոհ է դարձել 8 մարդ, ևս 86-ը վնասվածքներ են ստացել։ ՌԴ քննչական կոմիտեն քրեական գործ է հարուցել ահաբեկչության հոդվածով։
Ընկերությունը դեռ չի գնահատել վնասի չափը, սակայն «Կոմերսանտը» գրում է, որ ըստ փորձագետների` ենթակառուցվածքի վերականգնման համար անհրաժեշտ կլինի 20-35,8 մլրդ ռուբլի (մոտ 400 մլն դոլար):
