Բելառուսական հեռուստաալիքի ռազմական հաղորդավարը դուրս է եկել աշխատանքից

«Բելառուս 1» հեռուստաալիքի «Արսենալ» ռազմական հաղորդման վարող Վլադիմիր Բուրկոն իր ինստագրամյան էջում տեսանյութ է հրապարակել, որտեղ հայտնել է աշխատանքից դուրս գալու մասին։ «Ես նույնիսկ ամենավատ երազումս չէի կարող պատկերացնել, որ այն զինվորներն ու սարքավորումները, որոնց մասին ես խոսում էի, կարող են օգտագործվել իմ ժողովրդի դեմ», – գրել է նա: Բուրկոն կոչ է արել զինվորականներին «ուշքի գալ քանի դեռ ուշ չէ» և կայացնել «ճիշտ որոշում, որով կհպարտանան բելառուսները»: Նա շեշտեց, որ բողոքի ակցիաները խաղաղ են, ոչ ոք պատերազմ չի ուզում, իսկ ցուցարարները միայն «արդարություն են ուզում» և «խնդրում են, որ իրենց չխաբեն»:

Նյութը՝ tvrain.ru, թարգմանություն՝ Կարեն Կոլոսով