Անջելինա Ջոլին երեխաների նկատմամբ բռնությունների աճի մասին հոդված է գրել

Անջելինա Ջոլին Los Angeles Times պարբերականում սյունակ է գրել՝ երկար կարանտինի պայմաններում ընտանեկան բռնության աճող ալիքի մասին։ Դերասանուհին կարծում է, որ համաճարակի հետևանքներն ամբողջովին  կդրսևորվեն միայն մի քանի տարի հետո: Ջոլին համոզված է, որ դպրոցական աշխատանքները չեղյալ հայտարարելու պատճառով շատ երեխաներ բախվել են նևրոզների և հետտրավմատիկ խանգարումների հետ, որոնք մինչ օրս տեսանելի չեն աշխարհում:

Կորոնավիրուսի տարածումը կանխելու համար ուսումնական հաստատություններ փակելու անհրաժեշտությունը կարող է վնասակար հետևանքներ ունենալ երեխաների հոգեբանական և ֆիզիկական առողջության համար: Դերասանուհու խոսքով ՝ հենց դպրոցների փակումն է հանգեցրել երեխաների բռնության մասին հաղորդումների կտրուկ նվազմանը, քանի որ նման տվյալների մեծ մասը գալիս էին մանկավարժներից և ուսուցիչներից:

Դերասանուհին կարծում է, որ խնդիրը չի լուծվի միայն ընտանեկան բռնության դեմ պայքարի բազմաթիվ ծրագրերում ներդրումների ավելացման միջոցով: Պահանջվում են նաև որոշակի միջոցառումներ և ավելի ուշադիր ուսումնասիրություններ:

«Հոգեկան առողջությունը, ֆիզիկական անվտանգությունը և, ի վերջո, երեխաների կյանքը վտանգված է: Նրանց կարիքները պետք է լինեն ուշադրության կենտրոնում: Սա ավելի լավ հասարակություն կառուցելու միակ միջոցն է», – ամփոփում է Ջոլին։

Նյութը՝ kino-teatr.ru, թարգմանություն՝ Կարեն Կոլոսով