Մահացել է Սքուբի Դու կերպարի ստեղծող Ջո Ռուբին

Կալիֆոռնիայում մահացել է անիմատոր Ջո Ռուբին, ով հայտնի է որպես Սքուբի Դու կերպարի ստեղծող։ Նա 87 տարեկան էր։ Նկարիչը մահացել է երկար տարիների հիվանդությունից հետո:

Ռուբին իր կարիերան սկսել է «Walt Disney Productions»- ում որպես անիմատոր: Ավելի ուշ նա ստեղծեց իր արտադրական ընկերությունը ՝ «Ruby-Spears»-ը: Նկարչի աշխատանքներից են `«Dynomutt, Dog Wonder» և «Jabberjaw»։

Աշխատելով «Hanna-Barbera Productions»- ում 1969 թվականին իր գործընկեր Քեն Սփիրսի հետ միասին նկարեց Scooby-Doo խոսող շան մասին պատմող առաջին անիմացիոն շարքը: Այն վայելեց մեծ հաջողություն ու ստացավ շարունակություններ։

Օրիգինալ շոուն պատմում էր «Գաղտնիք» կորպորացիայի արկածների մասին, որը բաղկացած էր 4 պատանիներից՝ Ֆրեդ, Վելմա, Դաֆնա, Շեգգի և խոսող շուն՝ Սքուբի Դուն․ նրանք բացահայտում  էին տարբեր առեղծվածներ ամբողջ աշխարհում։

Գարնանը Warner Bros.-ը թողարկել է «Scooby-Doo»  մուլտֆիլմի վերջին մասի թրեյլերը: Հունիսին պարզ դարձավ, որ կերպարներից Վելման լեսբի է։

Նյութը՝ afisha․ru, թարգմանություն՝ Կարեն Կոլոսով