Կիրակի գիշերը լույս երկուշաբթի առավոտ Լոս Անջելեսում տեղի ունեցավ «MTV Video Music Awards 2020» հեղինակավոր մրցանակաբաշխությունը, որն ամեն տարի նշում է լավագույն երաժիշտներին և երաժշտական տեսահոլովակների ռեժիսորներին:
Գլխավոր մրցանակը `տարվա լավագույն տեսահոլովակի համար (և ևս մեկ արձանիկ` լավագույն R’n’B- ստեղծագործության համար) ստացավ երգիչ The Weeknd-ը՝ «Blinding Lights» տեսահոլովակի համար։ Այս անվանակարգում նա հաղթեց Բիլլի Այլիշին, Էմինեմին, Թեյլոր Սվիֆթին, ռեփեր Դրեյքին ու Future-ին, ինչպես նաեւ Լեդի Գագային ու Արիանա Գրանդեին:
Այնուամենայնիվ Գագան ու Գրանդեն «Rain on me» երգի համար արժանացան «Լավագույն երգ», «Լավագույն համագործակցություն» և «Տեսահոլովակի լավագույն նկարահանումներ» մրցանակներին։
Բացի այդ, Լեդի Գագան ճանաչվեց «Տարվա արտիստ»: Արարողության ժամանակ երգչուհին հանդես եկավ ելույթով: Ընդհանուր առմամբ, նա վերցրեց չորս արձանիկ՝ ինը անվանակարգերից, որոնցում նա առաջադրված էր։
Սովորական անվանակարգերից բացի, ցուցակում հայտնվեցին մի քանի կարանտինյան անվանակարգեր: Այսպիսով, ավելացվեցին «Լավագույն տնային տեսահոլովակ», «Լավագույն կարանտինային ելույթ», «Մեր հերոսները. Բժիշկներ, ովքեր աշխատել են առաջնագծում» անվանակարգերը (այս անվանակարգում հաղթող է ճանաչվել յուրաքանչյուր հայտարարված բժիշկ): Հատուկ ուշադրության է արժանի «Տեսանյութ հանուն բարության» անվանակարգը, որում հաղթել է երգչուհի H.E.R- ի կողմից «Չեմ կարող շնչել» տեսահոլովակը, որը նվիրված է դաժան ձերբակալության ընթացքում սևամորթ Ջորջ Ֆլոյդի մահվանը և դրան հաջորդած Black Lives Matter բողոքի ցույցերին։
Տարվա գլխավոր ռեփ տեսահոլովակ ճանաչվեց Megan Thee Stallion-ի «Savage»-ը:
Նյութը՝ esquire.ru, թարգմանություն՝ Կարեն Կոլոսով
