Սեպտեմբերի 1-ից բոլոր աշխատավորները կհարկվեն 23 տոկոսով

ՀՀ հարկային օրենսգրքում փոփոխություններ և լրացումներ կատարելու մասին նախագծի փաթեթը ՀՀ Ազգային ժողովն այսօր երկրորդ ընթերցմամբ և ամբողջությամբ ընդունել է։ Նշենք՝ նախագծերի փաթեթով ներկայացված փոփոխություններից մեկով անցում է կատարվելու եկամտային հարկի համահարթեցված դրույքաչափի․ եթե այժմ գործում է եկամտային հարկի եռաստիճան դրույքաչափի համակարգը՝ 23 տոկոս մինչև 150 հազար դրամ աշխատավարձ ստացողների համար, 28 տոկոս՝ 150 հազար դրամից մինչև 2 միլիոն դրամ և 36 տոկոս՝ 2 միլիոն դրամից բարձր աշխատավարձ ստացողների համար, ապա 2019 թվականի սեպտեմբերի 1-ից բոլորը կհարկվեն 23 տոկոս եկամտային հարկով։ Մինչև 2023 թվականն այն աստիճանաբար կնվազի՝ հասնելով 20 տոկոսի:

Ավելին՝ radiovan.fm