Թիվ 1 Ստուդիայի տաղավարում հյուրընկալել ենք «Հանուն հանրապետության» քաղաքական նախաձեռնության անդամ, ԱԺ անկախ պատգամավոր Արման Բաբաջանյանին։
-Տպավորություն է՝ դատական համակարգը դիրքավորվել է ընդդեմ պետության, իսկ առանց «վիրաբուժական» միջամտության՝ չենք կարող դատական համակարգի առողջացման հույս ունենալ,- նշում է պատգամավորը։
Բաբաջանյանի խոսքով՝ Սահմանադրական փոփոխություններին սպասելով՝ մենք ամեն օր հեռացնում ենք հեղափոխության իրագործման հնարավորությունը, բայց և Սահմանադրական դատարանը ոչ թե շարքային իրավաբանների, այլ բացառիկների ինստիտուտ է, ուստի այնտեղ պետք է լինեն միայն բացառիկ դատավորներ։
Խոսելով հայաստանյան ներքաղաքական կյանքի մասին, Բաբաջանյանն ասում է․
-Հայաստանում ներքին քաղաքական պրոցեսներ չկան․ դրանք բոլորը ոռոգվում են դրսից։
Պատագամավորի կարծիքով նախկինների հետ համեմատվելը ձեռնտու է ներկայիս իշխանություններին, որովհետև նրանց համեմատ իրենք փայլում են։ Որոշ նախարարների մոտ առկա են բազմաթիվ բացթողումներ, բայց հրաժարականի պահանջ դեռևս չի հասունացել։
-Կառավարությունից մեր ակնկալիքները շատ են, բայց կան օբյեկտիվ իրողություններ, որոնք թույլ չեն տալիս ավելին անել,- եզրափակում է Արման Բաբաջանյանը։
Մանրամասները՝ տեսանյութում։
