Ինստագրամը նոր թիմ է ստեղծել, որը զբաղվելու է անհավասարության դեմ պայքարով

Ամբողջ աշխարհն այժմ կենտրոնացած է փոքրամասնությունների կյանքը բարելավելու վրա: Բոլորովին վերջերս Օսկարի մրցանակաբաշխության համար ֆիլմերի ընտրության չափանիշները փոխվեցին, իսկ այժմ  ինստագրամը փոխում է ծրագրի քաղաքականությունը, որպեսզի օգտվողները լինեն ավելի ապահով տարածքում: Այս ամենը անհրաժեշտ է ռասայական, քաղաքացիական և սոցիալական խնդիրների վերաբերյալ մարդկանց իրազեկվածությունը բարձրացնելու համար:

Նոր թիմը «կբարելավի ըմբռնումը և կվերացնի կողմնակալությունը արտադրանքի մշակման գործում»: Equity Team- ը պարբերաբար ստուգելու է Instagram-ի ալգորիթմների կիրառումը բոլոր օգտատերերի համար: Գրառումները, որոնք ագրեսիվ հայտարարություններ են պարունակում, օրինակ ՝ հրեաների վերաբերյալ կարծրատիպերի մասին, ավելի հաճախ կհեռացվեն: Ավելին, եթե հաղորդագրությունների մեջ ինչ-որ տեղ բռնաբարության մասին ակնարկ կա, ապա սադրիչի էջն անմիջապես կհեռացվի:

Ինստագրամն արդեն արգելել է 23 կազմակերպությունների, որոնք աջակցում էին սպիտակամորթների գերակայությանը: Փոփոխվել է հանրաճանաչ էջերի ստուգման կարգը և այժմ այն ​​կենտրոնանում է մամուլում անձի հիշատակումների քանակի վրա: Որպես աղբյուր հանդիսացող լրատվամիջոցների ցանկում ներառված են նրանք, ովքեր ավելի շատ են գրում սևամորթների և ԼԳԲՏՔ+ համայնքի մասին։

Նյութը՝ GQ, թարգմանություն՝ Կարեն Կոլոսով