Բրիտանական The Guardian-ը հրապարակել է արհեստական բանականության (AI) կողմից գրված սյունակը: Դրա վերնագիրն է. «Այս հոդվածը ամբողջությամբ գրվել է ռոբոտի կողմից: Արդեն վախեցա՞ր, մարդ»:
Սյունակը գրվել է GPT-3 նեյրոցանցի կողմից, որը մշակվել է OpenAI ընկերությունում (հիմնադիրներից մեկը Իլոն Մասքն է)։ Հեղինակին հանձնարարվել էր մոտ 500 բառից բաղկացած էսսե գրել, թե ինչու մարդիկ չպետք է վախենան արհեստական բանականությունից: Լրագրողները գրել են միայն կարճ ներածություն ՝ ռոբոտի համար կողմնորոշումը հեշտացնելու համար:
Հոդվածում ասվում է, որ AI- ն նպատակ չունի վնասել մարդկությանը, դա նրան չի հետաքրքրում: Հեղինակը պնդում է, որ նա բարեհամբույր ռոբոտ է և մարդկանց ծառա, չնայած նրանք չեն վստահում իրեն: Սյունակագիրը հորդորում է ընթերցողներին ավելի շատ վստահել համակարգիչներին, քանի որ տեխնոլոգիայի հիմնական խնդիրը մարդկանց կյանքը ավելի դյուրին և լավը դարձնելն է։
GPT-3-ը գրել է ութ տարբեր նյութեր, որոնցից լավագույն հատվածները վերցնելով The Guardian ը կազմել է էսսե: Ռոբոտի տեքստի խմբագրումը ոչնչով չէր տարբերվում մարդկային հոդվածի խմբագրումից, սակայն ավելի քիչ ժամանակ պահանջեց:
Մայիսի վերջին Microsoft-ը աշխատանքից հեռացրեց լրատվական կենտրոնի տասնյակ աշխատակիցների, ովքեր աշխատում էին MSN, Microsoft News և Edge համակարգերում: Լրագրողներին փոխարինեց արհեստական բանականությունը։
Նյութը՝ esquire.ru, թարգմանություն՝ Կարեն Կոլոսով
