Կուսական անտառներ, անդնդախոր կիրճեր, միստիկական քարանձավներ, ջրվեժներ, աղբյուրներ, չնաշխարհիկ քարափներ։ Չէ, դրախտի մասին չէ խոսքը․ Լաստիվեր՝ մի վայր, որի գեղեցկության և առանձնահատկությունների մասին գուցե լսել եք, բայց դեռևս չեք տեսել:
Լաստիվերը գտնվում է Հայաստանի հյուսիս-արևելքում՝ Տավուշի մարզում, Ենոքավան գյուղի ծայրամասում: Պետք է Տավուշի խիտ անտառներով իջնել Խաչաղբյուր գետի կիրճը, որտեղ էլ գտնվում է այդ թաքնված գանձը: Իսկ արահետի վերջում մեր առջև կբացվի Լաստիվերի ջրվեժի գեղեցիկ տեսարանը: Լաստիվերը հանրության համար առավել հայտնի դարձավ 2000-ականների սկզբին, երբ էկոտուրիզմի սիրահարները սկսեցին արշավներ կազմակերպել դեպի Լաստիվեր։ Հիմա Լաստիվերն արդեն արտասահմանյան զբոսաշրջիկների և մեզ համար ճանաչված զբոսավայր է, ներառված է զբոսաշրջային տարբեր գործակալությունների քայլարշավների ցանկում:
People Media-ի անդրադարձը՝ https://peoplemedia.am/lastiver-careri-vra-tnaknerov-haykakan-edemy/?fbclid=IwAR2n3qAJuA4pVPomK3tYCzpys_7AAbmUTMrS3GdL98Uv5M3KPuW1QqVudAo
