«Cirque du Soleil»՝ կրկեսը որպես արվեստի մի մաս

«Cirque du Soleil»-ը Կանադայի ժամանցային ընկերություններից է, որը իր գործունեությունը սահմանում է որպես «կրկեսային արվեստի և փողոցային ներկայացումների գեղարվեստական համադրություն»: Այն հիմնադրվել է 1984թ.-ին Մոնրեալում (Կանադա) Գի Լալիբերթեի և Ջիլես Սենտ-Կրոյի կողմից: Կրկեսը հայտնի է իր հստակ և անփոփոխ դիրքորոշմամբ՝ շոու-ծրագրերում բացառել կենդանիների մասնակցությունը՝ դրա փոխարեն կրկեսային արվեստը համալրել երաժշտությամբ և հմայիչ դիզայնով:

Ընկերությունում աշխատում է ավելի քան 4000 մարդ, որը հնարավորություն է ընձեռում ներկայացումներ բեմադրել միաժամանակ տարբեր քաղաքներում: Թատերախմբի ներկայացումների հիմնական մասը անց է կացվում Լաս Վեգասում:

Կրկեսը շրջագայում է նաև աշխարհի տարբեր քաղաքներով: Կրկեսի տարեկան եկամուտը գերազանցում է 600 միլիոն դոլարը: