Համացանցում քննարկվում է մի լուսանկարը, որն իբր փաստում է, թե վարչապետ Նիկոլ Փաշինյանի որդին՝ Աշոտ Փաշինյանն այս օրերին առաջնագծում չէ։ Լուսանկարում Աշոտ Փաշինյանն է, նրա մայրը՝ Աննա Հակոբյանը, ԱԺ նախագահ Արարատ Միրզոյանը և «Իմ քայլը» խմբակցության պատգամավոր Հակոբ Սիմիդյանը։
Լուսանկարը, սակայն, արվել է մոտ մեկ ամիս առաջ, երբ Աննա Հակոբյանը որդու հետ Արցախում էր։ Հոկտեմբերի 7-ին վարչապետի կինն իր ֆեյսբուքյան էջում Աշոտ Փաշինյանի հետ լուսանկար էր հրապարակել, որն ավելի ուշ հեռացրել էր:
Երկու լուսանկարն էլ ակնհայտորեն արվել են նույն օրը։
Վարչապետի տիկին Աննա Հակոբյանի գրասենյակից ևս Fip.am-ին հաստատեցին, որ լուսանկարը նոր չէ, մեկ ամիս առաջ է արվել, երբ Աննա Հակոբյանն Արցախում էր։
