Էկոնոմիկայի նախարար Գևորգ Պապոյանը անդրադարձել է Փաշինյան-Պուտին հեռախոսազանգի ժամանակ քննարկված հարցերին, երբ անդրադարձ է կատարվել ռուսական կողմի սահմանափակումների վերացմանը։
«ԵԱՏՄ օրենսդրության համաձայն, պետք է բոլոր երկրները պարտավոր են ապահովվել ծառայությունների ազատ տեղաշարժը։ Եթե դա չի ապահովվում, ապա նշանակում է, որ ԵԱՏՄ օրենսդրությունը և ԵԱՏՄ ձևավորման սկզբունքները չեն աշխատում»,-ասել է Գևորգ Պապոյանը։
Նրա խոսքով՝ Հայաստանը, որպես ԵԱՏՄ-ի լիարժեք անդամ և երկիր, մտահոգված է ԵԱՏՄ-ի ճակատագրով. «Որովհետև մենք ուզում ենք, որ ԵԱՏՄ-ն լինի և ԵԱՏՄ-ն աշխատի, գործի, ոչ թե, օրինակ, ՀԱՊԿ-ի…»,-շեշտել է նախարարը։
«Մենք այդ կազմակերպությանը վերաբերում ենք որպես մեր կազմակերպություն, և մենք չենք կարող կազմակերպության որևէ չաշխատող մեխանիզմի նկատմամբ ունենալ չեզոք կեցվածք»,-շեշտել է Պապոյանը։
