Ռուս հասարակական գործիչ, կանանց իրավունքների պաշտպան Ալյոնա Պապովան արդեն երկար ժամանակ զբաղվում է Խաչատուրյան քույրերի աղմկոտ գործով։ Նա իր ֆեյսբուքյան էջում, և ոչ միայն, բազմիցս բարձրաձայնել է քույրերի դատավարության անարդարության վերաբերյալ, կազմակերպել է լսումներ և քննարկումներ։ Այժմ Պապովան փորձում է Մոսկվայում կազմակերպել քայլարշավ՝ ի պաշտպանություն Խաչատուրյան քույրերի և ի բողոք դատարանի որոշման և Ռուսաստանում ընտանեկան բռնության վերաբերյալ օրենքների։
Այսօր Ալյոնան իր ֆեյսբուքյան էջում գրառում է կատարել, որտեղ ասվում է, որ քաղաքային իշխանությունները վերջնականապես մերժել են քայլարշավի անցկացումը՝ համարելով այն հանրային հավաք և զգուշացնելով, որ ակցիայի կազմակերպման դեպքում կազմակերպիչները կենթարկվեն պատասխանատվության։
«Ո՞վ է այնտեղ այդպես դեմ կանանց, որ էլ ուժ չունի, ինչպե՞ս կարելի է ի պաշտպանություն զոհ-կանանց արված ամեն բան մերժել», գրում է Պապովան։
Ալյոնա Պապովայի ֆեյսբուքյան էջից՝ https://www.facebook.com/popova.alyona/posts/2488113134542545
