«Ստորագրված փաստաթուղթը մենք ուսումնասիրում ենք, մեր օրենսդրության և Սահմանադրության համատեքստում։ Սահմանադրության համաձայն այս փաստաթուղթը համարվում է քաղաքական կամ ռազմական բնույթ կրող փաստաթուղթ, որը չի վավերացվել խորհրդարանում, ավելին՝ այս փաստաթուղթը մեր համար առաջացնում է այլ խնդիրներ՝ տարածքային ամբողջականության հետ կապված, որովհետև մենք այս փաստաթղթով զիջում ենք տարածքային ամբողջականությունից ինչ-որ իրավիճակ։ Այսինքն՝ մենք ասում ենք, որ թույլ կտանք, որ մեր տարածքով դուք անցնեք»,- հայտնեց ԼՀԿ առաջնորդը։
Էդմոն մարուքյանը մանրամասնեց՝ ճանապարհ ենք տալիս իրենց, էտ էլ էն դեպքում, որ փաստաթղթում նշված է, որ բոլոր շրջափակումները ապաարգելափակվում են, այսինքն՝ բացվում են։ Եթե բացվում են սահմանները, սուվերեն միջանցք ինչու են ուզում, հետն էլ հոգնակի։ Փաստաթղթում գրված է հոգնակի, ոչ թե մեկ։
«Սա ուղղակի խայտառակություն է, Արցախի հակամարտության հետ կապված երբևէ, որևէ թուղթ չի ստորագրվել, որը կազդեր ՀՀ տարածքային ամբողջականության վրա, կամ որևէ ձևով Հայաստանին պարտավորության մեջ կդներ»,- հայտարարեց Մարուքյանը։
Քրիստինե Հովսեփյան
