Կարևոր է պահպանել հպարտությունն ու արժանապատվությունը, քանի որ հատկապես այս օրերին որոշ ներհայաստանյան ուժեր արտաքին ուժերի հետ համընթաց փորձում են բորբոքել մեր արժանապատվության և հպարտության խոցերը։ Այս մասին հայտարարեց վարչապետ Նիկոլ Փաշինյանը ուղիղ եթերում։
Վերջինիս խոսքով՝ Հայաստանում և նրանից դուրս կան մարդիկ ու խմբեր, ովքեր փորձում են անիշխանության տպավորություն ստեղծել, ովքեր փորձում են քաոս սերմանել մեր երկրում, ցանկանում են պատերազմը տեղափոխել Հայաստանից ներս։ Երկիրը դնել ազատ անկման վիճակում՝ որպես փրկիչ իրենց վերադարձն ապահովելու համար։
«Ուզում եմ հստակ և աներկբա ասել՝ մենք սա թույլ չենք տալու»,- ասաց վարչապետը՝ հավելելով, որ իրենք աթոռից կառչած չեն, պարզապես դա չի ուզում ՀՀ հպարտ քաղաքացին։
Փաշինյանը նշեց՝ հաստատում է իր այն համոզմունքը, որ փաստաթուղթը չստորագրելու տարբերակ չկար, որովհետև ցանկացած այլ տարբերակ լինելու էր շատ ավելի վատը։
Այսօր կան հրատապ լուծումներ պահանջող հարցեր, որոնք բխում են նոյեմբերի 9-ին ստորագրված փաստաթղթից։ Կարևորագույն խնդիր է սահմանազատումը, որի հիմքում ընկած են Խորհրդային միության շրջանի քարտեզները։
«Ամեն անգամ այս հարցի շուրջ հանրության շրջանում խուճապ առաջացնելը, ապատեղեկատվություն և քաոսի տարածելը արվում է մի նպատակով՝ նրանք ուզում են պատերազմը տեղափոխել Հայաստան, որովհետև սովոր են արյունով իշխանության գալ և արյունով իշխանություն պահել։ Բայց մենք սա թույլ չենք տալու, ժողովուրդը սա թույլ չի տալու, նաև Հայաստանի իրավապահ մարմինները լիարժեք տիրապետում են իրավիճակին, և սա թույլ չեն տալու»,- շեշտեց Փաշինյանը։
Փորձ է արվում անջրպետ առաջացնել կառավարության և ժողովրդի միջև, որը չի հաջողվում իրականացնել, քանի որ ժողովուրդը երբեմն դառնացած է և զայրացած, երբեմն հիասթափված է ու հուսալքված, բայց այդ ամենի միջից վարչապետը տեսնում է ժողովրդի վստահությունը։
Քրիստինե Հովսեփյան
Վարչապետ Նիկոլ Փաշինյանն ընդունել է «Թումո» կենտրոնի համահիմնադիր Սեմ Սիմոնյանին և ԱՄՆ-ում գործող Inet Technologies…
Սեպտեմբերի 30-ին ՀՀ ԱԽ քարտուղար Արմեն Գրիգորյանի մասնակցությամբ Բրյուսելում տեղի է ունեցել ՆԱՏՕ-ի անդամ երկրների…
Մայրաքաղաքում տրանսպորտային հոսքերի անցանելիությունն ավելացնելու նպատակով հոկտեմբերի 2-ից երթևեկության կազմակերպման փոփոխություն կկատարվի Իսահակյան փողոցում: Այս…
Սեպտեմբերի 29-ից մինչև նոյեմբերի 25-ը պրոեֆսիոնալ դիտողական սարքերի միջոցով երկնքում տեսանելի կլինի «երկրորդ լուսինը». այս…
ՀՀ Ազգային ժողովի «Քաղաքացիական պայմանագիր» խմբակցության պատգամավոր Վահագն Ալեքսանյանի խոսքով՝ քանի դեռ եկեղեցում կան մարդիկ,…
-Մարդու իրավունքների եւ ազատությունների հետ կապված իրավիճակն Ադրբեջանում հուսադրող չէ,- «Ազատություն» ռադիոկայանին հարցազրույցում ասել է…