Անհետ կորած անձանց ընտանիքի անդամների բուժօգնությունը կկազմակերպվի անվճար

Սեպտեմբերի 27-ից մինչև նոյեմբերի 9-ը տևած ռազմական գործողությունների ընթացքում անհետ կորած անձանց ընտանիքի անդամների (ծնող, ամուսին, երեխա, քույր, եղբայր) բժշկական օգնությունը կկազմակերպվի պետական պատվերի շրջանակներում. ծախսերը կհոգա ՀՀ առողջապահության նախարարությունը։

Ծառայությունից օգտվելու համար նշված խմբերը պետք է բժշկական կազմակերպության տրամադրած տեղեկանքը և դիմումը ուղարկեն info@moh.am հասցեին:

Անհրաժեշտ փաստաթղթերն են`
✅Անձնագրի պատճեն
✅Անհետ կորածի տվյալներ (անուն, ազգանուն, հայրանուն, ծննդյան ամսաթիվ)
✅Բժշկական միջամտության, հետազոտության անհրաժեշտության վերաբերյալ տեղեկանք
✅Հասցե
✅Հեռախոսահամար

Այլ մանրամասներ ճշտելու համար կարող եք զանգահարել Առողջապահության նախարարության թեժ գիծ` 80-03 հեռախոսահամարով: