Արցախի պաշտպանության բանակի նախկին հրամանատար Ջալալ Հարությունյանին առնչվող քրգործ է հարուցվել: Այս մասին լրատվամիջոցին տեղեկացրել է ՀՀ գլխավոր դատախազության հանրային կապերի բաժնի պետ Արևիկ Խաչատրյանը:
Խաչատրյանը տեղեկացրեց, որ թիվ 1 կայազորի զինվորական դատախազությունում հարուցվել է քրեական գործ թիվ 1 կայազորում` ՀՀ ՔՕ-ի 34-104-րդ հոդվածի 2-րդ մասի 1-ին, 6-րդ և 13-րդ կետերով և 185-րդ հոդվածի 3-րդ մասի 1-ին կետով:
«Նախաքննությունը շարունակվում է»,- հայտնեց նա՝ հավելելով, որ Ջալալ Հարությունյանը հարցաքննվել է:
«Այս պահին դատավարական կարգավիճակ ունեցող անձ չկա»,- հայտնեց Խաչատրյանը:
Ավելի վաղ հայտնել էինք՝ Ջալալ Հարությունյանը վիրավորվել է, ինչով պայմանավորված՝ Արցախի Հանրապետության պաշտպանության նախարար-պաշտպանության բանակի հրամանատարի պաշտոնում նրան փոխարինել է Միքայել Արզումանյանը:
ԱՀ նախագահ Արայիկ Հարությունյանը Հայրենիքի պաշտպանության ու անվտանգության ապահովման գործում Արցախի Հանրապետությանը մատուցած բացառիկ ծառայությունների, ցուցաբերած քաջության ու անձնական արիության համար գեներալ-լեյտենանտ Ջալալ Հարությունյանին շնորհել էր «Արցախի հերոս» բարձրագույն կոչում:
