Արցախի Շոշ գյուղի կրթօջախների տարածքում պարեկային հերթապահության անհրաժեշտություն կա. ՄԻՊ
Արցախի Հանրապետության Մարդու իրավունքների պաշտպանի աշխատակազմը, ՄԻՊ ժամանակավոր փոխարինող Արսեն Սառաջյանի գլխավորությամբ, այցելել է Ասկերանի շրջանի Շոշ գյուղ՝ տեղում ծանոթանալով հանրային մտահոգություններին, որոնք պայմանավորված են երեխաների դպրոց հաճախելու անվտանգությամբ: Այս մասին Թիվ1-ին տեղեկացնում են Արցախի մարդու իրավունքների պաշտպանի աշխատակազմից:
«Մարդու իրավունքների պաշտպանի աշխատակազմն այցելել է Շուշ գյուղ՝ ծանոթանալու համայնքում բնականոն կյանքի վերականգնման ուղղությամբ տարվող աշխատանքներին և քաղաքացիների իրավունքների պաշտպանության իրավիճակը գնահատելու նպատակով: Հունվարի 11-ից գործում է դպրոցը, իսկ առաջիկա շաբաթվա ընթացքում վերսկսելու է աշխատանքները նաև մանկապարտեզը: Գյուղը գտնվում է Կարմիր Շուկա-Շոշ ճանապարհի մերձակա տարածքում, և դպրոց հասնելու համար երեխաները պետք է անցնեն ճանապարհը, որով ժամանակ առ ժամանակ իրականացվում է ադրբեջանական շարասյուների տարանցումը: Այցի ընթացքում համայնքի ղեկավարը հայտնել, որ կատարվում են անհրաժեշտ աշխատանքներ բնակիչներին համայնք վերադառնալու ուղղությամբ, գյուղում վերականգնվել են բոլոր ենթակառուցվածքները, վերադարձել է բնակչության կեսից ավելին: Պատերազմական գործողությունների հետևանքով ադրբեջանական վերահսկողության տակ են անցել համայնքի գյուղատնտեսական նշանակության տարածքների մեծ մասը, ինչը լուրջ խնդիրներ է ստեղծում համայնքում բնակչության զբաղվածության առումով: Համայնքի տարածքում կատարվում են ականազերծման աշխատանքներ, բնակչության շրջանում տարվում են իրազեկման միջոցառումներ կյանքին և առողջությանը սպառնացող պայթուցիկ նյութերի հետ շփումից խուսափելու ուղղությամբ: ՄԻՊ աշխատակազմը տեղում ծանոթացել է բարձրացված խնդրին և ականատես եղել ռուս խաղաղապահների ուղեկցությամբ ադրբեջանական շարասյուների տարանցմանը: Չնայած երեխաների դպրոց հաճախումը կազմակերպվում է Արցախի Հանրապետության ոստիկանության աշխատակիցների ուղեկցությամբ, այնուամենայնիվ, երեխաների անվտանգությունն առավել վերահսկելի դարձնելու նպատակով առկա է օբյեկտիվ անհրաժեշտություն դպրոցի և մանկապարտեզի հարակից տարածքում պարեկային հերթապահություն սահմանելու:
Անվտանգության նկատառումներից ելնելով՝ կարևորվել է համայնքում գիշերային լուսավորության համակարգի շուտափույթ ներդրումը»,-հայտնում են Արցախի Մարդու իրավունքների պաշտպանի գրասենյակից:
Recent Posts
Դանիան Ուկրաինային ռազմական օգնության նոր փաթեթ է հատկացրել
6,7 միլիարդ դանիական կրոնի (995 միլիոն դոլար) օգնության փաթեթը կներառի հակաօդային պաշտպանություն, հրետանի և գումար՝…
Վարչապետն ընդունել է Siemens EDA ընկերության գլխավոր գործադիր տնօրենին
Վարչապետ Նիկոլ Փաշինյանն ընդունել է Siemens EDA ընկերության գլխավոր գործադիր տնօրեն Մայքլ Էլլոուի գլխավորած պատվիրակությանը:…
ԱՄՆ-ը մտադիր չէ թուլացնել կապերը ՆԱՏՕ-ի հետ. Ռուբիո
ԱՄՆ պետքարտուղարը Բրյուսելում հանդիպել է ՆԱՏՕ-ի գլխավոր քարտուղարի հետ: Մարկո Ռուբիոն վստահեցրել է, որ Վաշինգտոնն…
ՀՔԱՎ գրասենյակը հաղորդում է ներկայացրել Վարդան Ղուկասյանի դեմ
2025-ի մարտի 31-ին ՀՔԱՎ գրասենյակը հաղորդում է ներկայացրել ՀՀ գլխավոր դատախազություն՝ պահանջելով առերևույթ հանցագործության հիմքով…
Ոստիկանության նկատմամբ հանրային վստահության մակարդակը կազմում է 72%
Վարչապետ Նիկոլ Փաշինյանի գլխավորությամբ կառավարությունում տեղի է ունեցել ոստիկանության բարեփոխումները համակարգող խորհրդի նիստը: Օրակարգի շրջանակում…
ֆոնդային ինդեքսներն ու ամերիկյան ընկերությունների բաժնետոմսերը կտրուկ անկում են ապրել
ԱՄՆ-ն առաջինն է զգացել Թրամփի նոր մաքսատուրքերի ազդեցությունը. ֆոնդային ինդեքսներն ու ամերիկյան ընկերությունների բաժնետոմսերը կտրուկ…