«Իմ քայլ»-ը դաշինքի պատգամավոր Հրաչյա Հակոբյանը երրորդ նախագահ Սերժ Սարգսյանի հայտարարությունները անվանեց «մերկապարանոց», նաև հակադարձեց՝ ինքն էլ կարող է ասել, որ Սերժ Սարգսյանի իշխանավարման տարիներն էին «հակաղարաբաղյան», քանզի այդ տարիներին որևէ լուրջ ներդրում Արցախում չի արվել։
Պատգամավորը լրագրողներին հայտնեց, որ իրեն ոչինչ հայտնի չէ 5 մլրդ դոլարի դիմաց կատարված գործարքի վերաբերյալ, ինչի մասին նախօրեի հարցազրույցում ակնարկեց Սերժ Սարգսյանը։
Հակոբյանը նաև ընդգծեց, որ բանակցային վատ ժառանգություն են ստացել նախկին իշխանություններից, ուստի ստիպված էին «stop» տալ՝ 7 շրջանները հանձնելու շուրջ ընթացող բանակցությունները և սկսել նոր բանակցային գործընթաց։
«Գնում, բանակցում էին, որ պետք է 7 շրջանները վերադարձվեն, բայց գալիս, ասում էին՝ «ոչ մի թիզ հող» թշնամուն։ Եթե նման գործընթաց էր գնում դրսում, պետք է նաև համահունչ տրամադրություններ ստեղծեին հանրության շրջանում»,- եզրափակեց Հրաչյա Հակոբյանը։
Քրիստինե Հովսեփյան
