Ես կատարված դեպքի հետ կապված ներողություն եմ խնդրել ականատես քաղաքացիներից, աշխատակիցներից: ԱԺ-ում լրագրողների հետ ճեպազրույցում, անդրադառնալով իր և լրագրող Փայլակ Ֆահրադյանի միջև տեղի ունեցած միջադեպին, ասաց Բարձր տեխնոլոգիական արդյունաբերության նախարար Հակոբ Արշակյանը:
«Հիմա ուզում եմ ներողություն խնդրել հանրությունից, ովքեր լրատվական դաշտում տեսել են այդ դեպքը: Ուզում եմ ներողություն խնդրել լրագրողական հանրույթից և կոնկրետ Փայլակից: Կարևորելով ձեր պրոֆեսիոնալ մասնագիտական գործունեությունը՝ ես շատ լուրջ եմ վերաբերվում դրան»,- հավելեց Արշակյանը:
