Բայդենը տեղեկացրել է Էրդողանին, որ պատրաստվում է ճանաչել Հայոց ցեղասպանությունը. Bloomberg

ԱՄՆ-ի նախագահ Ջոզեֆ Բայդենն այսօր Թուրքիայի նախագահ Ռեջեփ Թայիփ Էրդողանի հետ ունեցած հեռախոսազրույցի ժամանակ նրան հայտնել է, որ պատրաստվում է վաղը՝ ապրիլի 24-ին իր պատրաստած ուղերձում ճանաչել Օսմանյան կայսրությունում 20-րդ դարասկզբին հայերի կոտորածը որպես Ցեղասպանություն:

Այս մասին հայտնում է Bloomberg-ը՝ հղում անելով հեռախոսազրույցի բովանդակությանը լավատեղյակ իր աղբյուրներին:

Նշվում է, որ «Հայոց ցեղասպանություն» եզրույթը օգտագործելով, բայդենը պատրաստվում է կատարել իր նախընտրական խոստումը: եթե այդպես էլ լինի, Բայդենը կդառնա 40 տարվա ընթացքում ԱՄՆ-ի առաջին նախագահը, որը հրապարակայնորեն կճանաչի 1915 թվականի ոճրագործությունը:

Հեռախոսազրույցի բովանդակության մասին Սպիտակ տան հրապարայած պաշտոնական հաղորդագրության մեջ այս մասին հիշատակված չէ: Նշվում է միայն, որ Բայդենն Էրդողանին հայտնել է, որ հետաքրքրված է բովանդակային երկկողմ  հարաբերությունների հաստատմամբ ու համագործակցության շրջանակների ընդլայնմամբ, տարաձայնությունների համակարգված հարթմամբ:

Ըստ Սպիտակ տան, նախագահները պայմանավորվել են հանդիպել հունիսին՝ Բրյուսելում կայանալիք ՆԱՏՕ-ի գագաթնաժողովի ժամանակ: