Ֆրանսիացի գիտնականները պնդում են, որ այն ըմպելիքները՝ այդ թվում բնական հյութերը, որոնք իրենց մեջ պարունակում են շաքար, քաղցկեղի առաջացման պատճառ կարող են հանդիսանալ: Գիտնականները հղում են անում Բրիտանական բժշկական ամսագրին, որտեղ ամփոփված են իրենց կատարած ուսումնասիրությունների արդյունքները: Հինգ տարի տևողությամբ ուսումնասիրության օբյեկտ են հանդիսացել շուրջ 100.000 քաղաքացիներ: Գիտնականները հավաստիացնում են, որ արյան մեջ շաքարի ավելցուկը կարող է նպաստել քաղցկեղի զարգացմանը: Այնուամենայնիվ, նրանք հակված են ավելի շատ հետազոտություններ կատարելու:
Բայց ի՞նչ ենք հասկանում քաղցր ըմպելիք ասելով
Ըստ հետազոտական խմբի՝ քաղցր է համարվում այն ըմպելիքը, որի մեջ շաքարի չափաբաժինը գերազանցում է 5%-ը: Այսինքն դա ընդգրկում է մրգային հյութեր (նույնիսկ առանց ավելացված շաքարավազի), ալկոհոլային խմիչքներ, քաղցր կաթնային և էներգետիկ ըմպելիքներ, թեյը կամ սուրճը`շաքարով:
Ուսումնասիրությունները ցույց են տալիս, որ այդպիսի խմիչքների՝ շաբաթը 2 անգամ 100մլ չափաբաժնով օգտագործումը քաղցկեղի առաջացման ռիսկը ավելացնում է 18%-ով: Հետազոտված 100.000 քաղաքացիներից 2193-ի մոտ, որոնք ավելի շատ են օգտագործել այդ ըմպելիքները, նկատվել է քաղցկեղ:
Այսպիսով, գիտնականները հավաստիացնում են՝ քաղցր ըմպելիքների և քաղցկեղի առաջացման միջև կա հստակ պատճառահետևանքային կապ, որը կարող է ամբողջովին ապացուցվել միմիայն երկարատև հետազոտությունների արդյունքում:
Եղե՛ք տեղեկացված և ապրեք առողջ:
