Ադրբեջանցիները շատ են օգտագործում «բազմամշակույթայնություն» տերմինը, բայց իրենց պետական քաղաքականությունը հակասում է այս ձևակերպմանը: Այդ մասին ԱԺ հայտարարությունների ժամին ասաց «Իմ քայլը» խմբակցության պատգամավոր Տաթևիկ Հայրապետյանը՝ անդրադառնալով Ադրբեջանի կողմից Շուշիի Սուրբ Ղազանչեցոց Ամենափրկիչ եկեցեղու նկատմամբ իրականացվող վանդալիզմին:
Նա հիշեցրեց, որ նոյեմբերի 6-ին պաշտոնական Բաքուն հայտարարել էր, որ Ղազանչեցոց եկեղեցին ուղղափառ է և պատրաստվում է այն բարեկարգել: Ավելին՝ Ադրբեջանի օկուպացիայի ներքո հայտնված Արցախի հայկական մշակութային ժառանգությունն Ադրբեջանը որակում է որպես ուդիական և զբաղվում է այն յուրացնելու քաղաքականությամբ:
«Ինձ համար զարմանալի չէ Ադրբեջանի այս գործելակերպը, քանի որ մի քանի տասնամյակ մենք ականատես ենք եղել, թե ինչպես է այդ պետությունը կեղծել և յուրացրել իր հարևանների պատմությունը և դրա հիման վրա իր համար արժեքներ և պետություն է ստեղծել: Մենք պետք է միասնական ճակատով հանդես գանք և մի կողմ թողենք փոխադարձ մեղադրանքները, որոնք խանգարելու են մեր գլխավոր նպատակին»,- ասաց Հայրապետյանը:
Հայրապետյանի խոսքով՝ Ադրբեջանն այսօր ՅՈՒՆԵՍԿՕ-ի փորձագետներին թույլ չի տալիս մուտք գործել Արցախ՝ տեսնելու, թե ինչ մշակութային վանդալիզիմի կամ սպիտակ ցեղասպանության հետ մենք գործ ունենք:
«Ադրբեջանի նպատակն է ջնջել ցանկացած հայկական ցանկացած հետք տարածաշրջանից, յուրացնել այդ պատմությունը: Սա պետության կողմից տարվող քաղաքականություն է, որն արվում է մի մարդու կողմից, որի համար հերոսը քնած հային կացնահարողն է, հերոսկան քայլ է քայլել «ռազմավարի պուրակով», որը ռասիզմի և քսենոֆոբիայի դրևորում է: Ցավոք, այսպիսի հարևան ունենք մենք, և մեր գործողությունները պետք է լինեն միասնական, որպեսզի դիմակայենք մարտահրավերներին»,- ընդգծեց Տաթևիկ Հայրապետյանը
Առողջապահության նախարար Անահիտ Ավանեսյանը հանդիպել է Եվրամիության (ԵՄ) երկրների դեսպանների հետ և ներկայացրել առողջապահության ոլորտում…
«3+3» խորհրդատվական տարածաշրջանային հարթակը Հարավային Կովկասում և Միջին Արևելքում խաղաղության և կայունության հասնելու համար տարածաշրջանի…
Էներգետիկայի հարցերով եվրոպական հանձնակատար Կադրի Սիմսոնը հայտարարել է, որ ԵՄ-ն կարող է փոխարինել Ուկրաինայով մատակարարվող…
Freedom House միջազգային իրավապաշտպան կազմակերպությունը հրապարակել է Ազատությունը համացանցում «Վստահության համար պայքարը առցանց տիրույթում» վերտառությամբ…
ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում քննվող քրեական վարույթով բացահայտվել է…
Նիգերիայի հյուսիսում բենզատարի պայթյունի հետևանքով զոհերի թիվը հասել է առնվազն 140-ի, հայտնում է «Ֆրանս-պրեսս» գործակալությունը՝…