Ռոբերտ Քոչարյանն ընդդեմ Արամ Մանուկյանի այսօրվա նիստում ՀԱԿ փոխնախագահ Արամ Մանուկյանն իր ելույթի սկզբում նշեց, որ երբ հայց ներկայացվեց, ինքն այն ժամանակ հայտարարություն արեց, որ Ռոբերտ Քոչարյանը կոպիտ սխալ թույլ տվեց՝ դատարան մտնելով, որովհետև իրեն հնարավորություն տվեց ներկայացնելու, ասելու այն ամենը ինչն ինքն ասել է և ավելին քան ասել է։
Արամ Մանուկյանը նշեց, որ ինքը եկել է դատավորին օգնելու,որպեսզի դատավորի անաչառությունը բարձրանա, ինֆորմացվածությունը բարձրանա և դատավորի՝ ամբողջ պատկերը տեսնելու հնարավորությունը բարձրանա, որ արդար վճիռ կայացնի։
«Ես իմ անձի հետ վախենալու բան չունեմ։ Իմ խնդիրը շատ կարևոր է, և այս առումով ձեր ուսերին շատ ծանր բեռ է դրված։ Սա սովորական գործ չէ, սա լրջագույն գործ է, որը հանրային հնչեղություն ունի, որը կարող է դասագիրք մտնել։ Եվ այս առումով չգիտեմ դուք զգո՞ւմ եք այդ բեռը, թե ոչ, բայց ես վստահեցնում եմ ձեզ, որ ձեր վճռից շատ բան է կախված։ Ես չեմ ներկայացնելու ձեզ ոչինչ իմ կարծիքներից, ես ձեզ ներկայացնելու եմ միայն փաստական տվյալներ, միայն ելույթներ, փաստաղթղթեր, հայտնի մարդկանց ասույթներ որոնք ինձանից դուրս են ասել։ Ձեզ կներկայացնեմ այն դաշտը որտեղ ես խոսել եմ։ Ես Ռոբերտ Քոչարյանին վիրավորելու, զրպարտելու բացարձակ մոտիվացիան չեմ ունեցել և չունեմ։ Ավելին ասեմ, մենք 1988-ից միասին ենք շատ բաներ սկսել, միասին ենք շատ գործեր արել, երբ 1989 թվականին ինքն առաջին անգամ ընտրվեց Սովետական Հայաստանի պառլամենտի անդամ, Վանաձորից է ընտրվել, որտեղից ես մի քանի անագամ պատգամավոր եմ ընտրվել։ Մեր ամբողջ կուսակցությունը, ամբողջ հասարակությանը ներգրավել ենք Ռոբերտ Քոչարյանին ընտրելու համար։ Ինքը այդ ժամանակ համարվում էր Ղարաբաղի հերոսը։ Եվ մենք երկար ընկերություն ենք արել։ Իմ բոլոր հայտարարությունները վերաբերում են միայն նրա պաշտոնավարման տարիներին, այն ինչ որ գնահատված է , ինչ որ դեռ գնահատվելու է»,-ասաց Արամ Մանուկյանը։
Տեսանյութը՝ Civic.am-ի։
