Երեւանի Կենտրոնի թաղապետարանում լարված իրավիճակ է: Այսօր առավոտյան ծեծկռտուք է տեղի ունեցել թաղապետարանի քաղաքաշինության եւ հողօգտագործման բաժնի պետ Մանվել Մարգարյանի եւ վարչական շրջանի ղեկավարի տեղակալ Արմեն Ազիզյանի միջեւ,- տեղեկացնում է ՀԺ-ն։
«Հայկական ժամանակը» տեղեկացավ, որ առավոտ շուտ թաղապետարանի ղեկավար կազմը Մարգարյանին շատ կոպիտ ձեւով հրահանգել է ազատել իր աշխատասենյակը: Այնուհետեւ վիճաբանություն ու քաշքշուկ է սկսվել, որից հետո Մանվել Մարգարյանի ինքնազգացողությունը վատացել է, շտապօգնության մեքենայով նրան տեղափոխել են հիվանդանոց:
Մարգարյանը «Հայկական ժամանակին» հայտնել էր, որ ավագանու որոշումից առաջ, երբ իրեն առանց որեւէ պատճառի ասել են՝ ազատման դիմում գրի, դիմել է ՀՀ վարչական դատարան, դրանից հետո ճնշումներն ավելի են ահագնացել:
Մանրամասները՝ սկզբնաղբյուրում։
