Civic.am-ին հասած տեղեկություններով՝ Ռոբերտ Քոչարյանն այժմ գտնվում է Մոսկվայում։ Այցը նախընտրական բնույթ ունի, սակայն, կարելի է ասել, ձախողվել է։
Քոչարյանը նախ հանդիպում է խնդրել ՌԴ նախագահ Վլադիմիր Պուտինի հետ, սակայն Պուտինից կտրուկ մերժում է ստացել։ Այնուհետև Քոչարյանը հանդիպում է խնդրել նաև Պուտինի աշխատակազմի ղեկավար Անտոն Վայնոյի հետ և կրկին մերժում է ստացել։
Արդյունքում՝ նրան մնացել է միայն իր բիզնեսի հետ կապված հանդիպումներ ունենալ գործընկերների հետ, ծանոթանալ գործերի ընթացքին։
Քոչարյանի փաստաբան Հայկ Ալումյանը մեզ հետ զրույցում ասաց, որ երկրից բացակայելու թույլտվություն ստանալու համար իրենք դիմել էին դատարան։
Նշենք, որ «Հրապարակ» օրաթերթը այսօր գրել է, որ Քոչարյանն իր գրասենյակի ղեկավար Վիկտոր Սողոմոնյանի հետ գտնվում է Մոսկվայում։
