Կլուծվեն դատարաններում ողջամիտ ժամկետում գործերի քննության հետ կապված խնդիրները. Բադասյան
ՀՀ արդարադատության նախարարի պաշտոնակատար Ռուստամ Բադասյանն անդրադարձել է Կառավարության այսօրվա որոշմանը, որի արդյունքում կավելանա դատավորների թվակազմն ու հնարավորություն կստեղծվի լուծելու դատարաններում ողջամիտ ժամկետում գործերի քննության հետ կապված խնդիրները:
«Կառավարությունն այսօր հավանություն տվեց օրենսդրական մի փաթեթի, որի համաձայն Վերաքննիչ վարչական դատարանի դատավորների թվակազմը կավելանա երեք դատավորով, Վերաքննիչ քաղաքացիական դատարանի դատավորների թվակազմը՝ երեքով, իսկ Սնանկության դատարանի դատավորների թվակազմը՝ չորս դատավորով։
Նշեմ, որ բյուջետային ֆինանսավորմամբ նախատեսված է ևս վեց հաստիքի ավելացում առաջին ատյանի ընդհանուր իրավասության դատարանում քաղաքացիական գործեր քննող դատավորների համար։
Իսկ Սահմանադրական դատարանում գտնվող օրենսդրական երկու փաթեթներով նախատեսվում էր ևս 38 հաստիքով ավելացնել դատավորների թվաքակազմը, ինչն էականորեն կբեռնաթափեր քրեական գործեր քննող դատավորների ծանրաբեռնվածությունը, ինչպես նաև նոր գործիքակազմով թույլ կտար ձևավորել նոր մասնագիտացում ունեցող դատավորներ և դատարան, որով կբարձրացնենք հանրային վստահությունը դատական իշխանության նկատմամբ։
Արդյունքում կունենանք բարեվարքության պահանջներին համապատասխանող դատավորներ և կոռուպցիոն ու մինչդատական վարույթի նկատմամբ դատական վերահսկողություն իրականացնող ոլորտներում արագ և օբյեկտիվ քննության գործիքակազմ։
Լայն ծավալով շարունակվում է նաև էլեկտրոնային արդարադատության գործիքակազմի ներդրումը, որն էլ ավելի հասանելի կդարձնի դատական համակարգը քաղաքացիների և իրավաբանական անձանց համար, կնպաստի թափանցիկության բարձրացմանը»,- գրել է նախարարի պաշտոնակատարը Ֆեյսբուքի իր էջում։
Recent Posts
ԵՄ առաջնորդները Բրյուսելում արտակարգ ժողով են հրավիրել․ Թրամփին հակազդելու ծրագիր են մշակել
Եվրոպական առաջնորդները հավաքվել են Բրյուսելում՝ արտակարգ ընթրիքի՝ քննարկելու Միացյալ Նահանգների հետ արագ վատթարացող հարաբերությունները, որոնք…
ՀԱՄԱՍ-ը և Իսրայելը միմյանց մեղադրել են Գազայի հատվածում հրադադարի ռեժիմը խախտելու մեջ
Պաղեստինյան ՀԱՄԱՍ շարժումը հայտարարել է, որ Իսրայելը խախտել է հրադադարի ռեժիմը Գազայի հատվածի հարավում՝ Խան…
Ինչու է ՌՈ ավտոմեքենան հերթապահում Սուրբ Աստվածածին եկեղեցու մոտ. ՊՆ–ի արձագանքը
Ռազմական ոստիկանությունը Երևանի Քանաքեռ–Զեյթուն վարչական շրջանում բնականոն ծառայություն է իրականացնում։ Sputnik Արմենիայի հետ զրույցում այս…
Մշակույթի նախկին նախարարը դատապարտվել է 4 տարի 6 ամիս ժամկետով ազատազրկման, կիրառվել է համաներում
Գլխավոր դատախազությունը 2023 թվականի հոկտեմբերի 18-ին տեղեկացրել էր, որ 2012-2016 թվականներին ՀՀ մշակույթի նախարարի պաշտոնը…
Պաշտպանությունն ու պահեստազորն առաջնահերթություն են․ Պապիկյան
Տարածքային պաշտպանության համակարգի կայացումն ու պահեստազորի պատրաստությունը պաշտպանական գերատեսչության ամենակարևոր նպատակներից մեկն է: Այս մասին…
Իրանի ուղղությամբ ավելի մեծ նավատորմ է շարժվում, քան եղել է Վենեսուելայի ափերի մոտ. Թրամփ
ԱՄՆ նախագահը հերթական անգամ հայտարարել է, որ Իրանի ուղղությամբ մեծ նավատորմ է շարժվում՝ նույնիսկ ավելի…