ԿԸՀ-ն չի պաշտպանում իր որոշումը․ Դանիել Իոաննիսյան

«Իրազեկ քաղաքացիների միավորում» ՀԿ-ի համակարգող Դանիել Իոաննիսյանը ֆեսյսբուքյան իր էջում գրել է․

Վարչական դատարանում քննվում է Ռոբերտ Քոչարյանի հայցն ընդդեմ ԿԸՀ-ի։ ԿԸՀ-ն, հիշեցնեմ, որոշել էր հեռացնել Քոչարյանի «Հայաստանը կառուցելիս» և «Կյանք և ազատություն» պաստառները։

Կենտրոնական ընտրական հանձնաժողովը ներկայացուցիչ չի ուղարկել դատական նիստին և լուրջ գործողություններ չի ձեռնարկում` իր որոշումը պաշտպանելու համար։Խիստ մտահոգիչ է, որ ԿԸՀ-ն, որը սովորաբար նույնիսկ չնչին գործերով է ներկայանում դատարան ու պնդում իր մոտեցումները, այժմ չի պաշտպանում` Քոչարյանի պաստառները հանելու իր որոշումը։

Զարմանալի չէ Քոչարյանի մոտեցումը, ըստ որի իր դեմքով պաստառները իր քաղաքական ուժի հետ չի ասոցացվում։ Բայց անընդունելի է ԿԸՀ-ի անտարբերությունը։Պաստառները, որոնք ակնհայտորեն քարոզչական են ու խախտում են հավասարության սկզբունքը պետք է հանվեն ու ԿԸՀ-ն պետք է պնդի իր մոտեցումը։

Հ.Գ. Հավելեմ, որ սա հին պրակտիկա է. Վարչական մարմինը, ձևական առումով ու չուզենալով, կատարում է իր պարտականությունը (ընդունում է որոշում), բայց չի պաշտպանում այն դատարանում ու հեչ դեմ չի, որ այն անվավեր ճանաչվի։«Անկախ Դիրորդ» դաշինքը շարունակում է վերահսկել վարչական դատարանում ընտրական վեճերի քննությանը։