«Բուդկեքի» բեսպրեդելը Աջափնյակում

Երևանի Աջափնյակ վարչական շրջանում վերջին օրերին մեծ թափ առած ապօրինի շինարարության դեպքերը կարծես նվազման միտում չունեն։ Նույնիսկ տեղի բնակչության կողմից բազմաթիվ դիմում-բողոքներից հետո քաղաքապետարանը լիովին չի կարողանում կանխել որոշակի շրջանակների ապօրինի գործողությունները։

Եվ չնայած այն հանգամանքին, որ քաղաքապետարանի կողմից երեկ իրավապահ մարմինների աջակցությամբ ապամոնտաժվեցին մի քանի կառույցներ, իսկ այսօր արդեն վարչական շրջանի ղեկավար Հայկ Մհրյանը աշխատանքից ազատման դիմում ներկայացրեց, կառուցապատողները շինաշխատանքների կատարման վայրում տեղակայել են ավտոբուսներ, բեռնատարներ՝ փորձելով խոչընդոտել ապամոնտաժման աշխատանքները։

Տեղեկացնենք նաև, որ շինարարական աշխատանքներն ուղեկցվում են նաև տեղի առանց այդ էլ սակավ բուսականության ոչնչացմամբ, ապօիրինաբար հատվում են ծառեր, որոնք, ինչպես կարող եք տեսնել տեսանյութում, տեղափոխվում են առանց պետահամարանիշի ավտոմեքենաներով։ Տեսանյութը տրամադրել են բնակիչները։