Արտակ Գրիգորյանը ճանաչվել է լավագույն ֆուտբոլիստ, Վարդան Բիչախչյանը` լավագույն մարզիչ

Հայաստանի ֆուտբոլի ֆեդերացիան ամփոփել է «VBET Հայաստանի Պրեմիեր Լիգայի 2020/2021 մրցաշրջանի լավագույն ֆուտբոլիստ» անվանակարգում քվեարկության արդյունքները: Հավաքելով 41 միավոր` VBET Հայաստանի Պրեմիեր Լիգայի 2020/2021 մրցաշրջանի լավագույն ֆուտբոլիստ է ճանաչվել Հայաստանի չեմպիոն «Ալաշկերտի» ավագ Արտակ Գրիգորյանը: 30 միավորով 2-րդ հորիզոնականում է «Ալաշկերտի» կիսապաշտպան Դավիդ Դավիդյանը:

22 միավորով 3-րդ տեղում է «Ուրարտուի» ֆուտբոլիստ Ուգոչուկվու Իվուն: Երևանի «Արարատի» գլխավոր մարզիչ Վարդան Բիչախչյանը հաղթող է ճանաչվել VBET Հայաստանի Պրեմիեր Լիգայի՝ 2020/2021 մրցաշրջանի լավագույն մարզիչ անվանակարգում: Նա ստացել է 71 միավոր:

Երկրորդ հորիզոնականում է նախորդ մրցաշրջանում «Նոայի», իսկ այժմ «Արարատ-Արմենիայի» գլխավոր մարզիչ Դմիտրի Գունկոն` 46 միավոր: Լավագույն եռյակը եզրափակել է «Ուրարտուի» նախկին և «Ալաշկերտի» ներկայիս գլխավոր մարզիչ Ալեքսանդր Գրիգորյանը` 38 միավոր: