Իտալիայի հավաքականի դարպասապահ Ջանլուիջի Դոնարուման ճանաչվել է Եվրոպայի առաջնության լավագույն ֆուտբոլիստ: Մրցաշարի եզրափակիչը տեղի է ունեցել Լոնդոնի «Ուեմբլի» ստադիոնում։
Դոնարուման մրցաշարի բոլոր հանդիպումներում հանդես է եկել մեկնարկային կազմում: Խմբային փուլում նա ոչ մի գոլ բաց չի թողել, 1/8 եզրափակչի ավստրիացիների հետ խաղում և բելգիացիների դեմ քառորդ եզրափակչում մրցակիցները մեկական անգամ գրավել են Դոնարումայի դարպասը: Կիսաեզրափակչում Իսպանիայի հավաքականի դեմ իտալական թիմը հաղթել է 11 մետրանոցներով, որտեղ Դոնարուման հետ է մղել Ալվարո Մորատայի հարվածը և հաղթանակ բերել թիմին:
Դոնարուման կարիերայում հինգերորդ անգամ է խաղացել 11 մետրանոցներով։
