ՆԱՏՕ-ն բաց է Հայաստանի հետ համագործակցության համար։ Նախաձեռնությունը պետք է գա Հայաստանից, թե որ ոլորտներում է պատրաստ համագործակցել ՆԱՏՕ-ի հետ։ Այսօր «Հայաստան-ՆԱՏՕ համագործակցություն ՆԱՏՕ-ի 2030-ի շրջանակներում» խորագրով սեմինարի ժամանակ այս մասին ասել է Հայաստանում Չեխիայի դեսպան Բեդրիխ Կոպեցկինը։
Դեսպանի խոսքով՝ ՆԱՏՕ-ն տեսնում է համագործակցություն Հայաստանի հետ նաև Զինված ուժերի ոլորտում։ Այս մասին գրում է civic.am-ը:
Չեխիայի դեսպան Բեդրիխ Կոպեցկինն անդրադառնալով՝ ՆԱՏՕ-Ռուսաստան հարաբերություններին՝ հիշատակել է, որ իրենք գոհ չեն այն հանգամանքից, որ Ռուսաստանը ՆԱՏՕ-ին դիտարկում է որպես հիմնական թշնամի։
Դեսպանի խոսքով՝ Ռուսաստանն աջակցում է ոչ ժողովրդավարական արժեքներին և ագրեսիվ է ՆԱՏՕ անդամ պետությունների նկատմամբ։ Սակայն, չնայած դրան ՆԱՏՕ-ն ձգտում է համագործակցության եզրեր գտնել Ռուսատանի հետ, այն ոլորտներում որում կարող են համագործակցել, սակայն դեռևս կառուցողական պատասխան չեն ստացել։
«Թուրքիան կարևոր պետություն է ՆԱՏՕ-ի համար»,-ասել է Չեխիայի դեսպան Բեդրիխ Կոպեցկինը՝ խոսելով ՆԱՏՕ-ի կողմից ձեռնարկված ահաբեկչության դեմ պայքարից։ Դեսպանը պատասխանելով այն հարցին՝ արդյոք ՆԱՏՕ-ի կողմից ձեռնարկվում են քայլեր՝ հավաքագրելու փաստեր Թուրքիայի կողմից արցախյան 44-օրյա պատերազմում ահաբեկիչներ ներգրավելու հարցում՝ նշել է, որ ահաբեկիչներ ներգրավվելու վերաբերյալ 100 տոկոս փաստեր չկան, և հիշատակել, որ այնուամենայնիվ ՆԱՏՕ անդամ որոշ պետություններ դատապարտել են այդ հանգամանքը։
Այլ մանրամասներ՝ սկզբնաղբյուր կայքում:
