Այսօր Վրաստանի ծովափնյա Բաթումի քաղաքում միջազգային համաժողով է անցկացվելու, որին մասնակցելու են Եվրոպական խորհրդի նախագահ Շառլ Միշելը, Ուկրաինայի նախագահ Վլադիմիր Զելենսկին, Մոլդովայի նախագահ Մայա Սանդուն և հյուրընկալ երկրի՝ Վրաստանի նախագահ Սալոմե Զուրաբիշվիլին։
Ակնկալվում է, որ Բրյուսելի հետ ասոցացման համաձայնագիրը ստորագրած Եվրամիության Արևելյան գործընկերությունում ընդգրկված երկրներից այդ եռյակը՝ Ուկրաինան, Մոլդովան և Վրաստանը, առաջ կմղեն ԵՄ-ի հետ համագործակցության մակարդակը բարձրացնելու հարցերը։
Եվրոպական խորհրդի նախագահը երեկ երեկոյան Վրաստան է ժամանել Ադրբեջանից։ Շառլ Միշելը տարածաշրջանային այց է կատարում հարավկովկասյան երկրներ՝ նախ այցելելով Հայաստան, հետո՝ Ադրբեջան, հիմա Վրաստանում է։
Բաքվում այցի ավարտին նա մամուլի համատեղ ասուլիս է տվել Ադրբեջանի նախագահ Իլհամ Ալիևի հետ։
Այդ ասուլիսում, ինպես և Երևանում, անդրադարձ է կատարվել Լեռնային Ղարաբաղի խնդրին:
Ավելին՝ այստեղ
