2019-07-15
Երևանի քաղաքապետարանի բնապահպանության վարչության պետը ազատվել է աշխատանքից
Ինչպես տեղեկացնում է Հայկական ժամանակը, Երևանի քաղաքապետարանի բնապահպանության վարչության պետ Խաչիկ Հակոբյանն ազատվել է աշխատանքից: Տեղեկությունը հաստատել է Երեւանի քաղաքապետի մամուլի քարտուղար Հակոբ Կարապետյանը: Վերջինս նշել է, որ Հակոբյանն ազատվել է իր դիմումի համաձայն:
Վերջին շրջանում Երևանի քաղաքապետ Հայկ Մարությանը պարբերաբար իր դժգոհությունն է հայտնել քաղաքում կանաչապատման աշխատանքների վերաբերյալ:
Ի դեպ՝ Խաչիկ Հակոբյանը եղել է բնապահպանության նախկին նախարար Արամ Հարությունյանի (Բուլկի Արամ) տեղակալը: Հակոբյանը նախկինում եղել է նաեւ ՀՀԿ խորհրդի անդամ:
Նմանատիպ Նյութեր