Պենտագոնը կորոնավիրուսի դեմ անձնակազմի պատվաստման կամ թեստավորման պահանջ Է սահմանել

ԱՄՆ-ի պաշտպանության նախարարությունը հուլիսի 29-ին զինվորական եւ քաղաքացիական անձնակազմի համար սահմանել Է պահանջ նոր կորոնավիուսի դեմ պատվաստում կամ վարակի առկայության կանոնավոր թեստավորում անցկացնելու մասին: Ինչպես տեղեկացնում Է «Արմենպրես»-ը, այդ մասին ասված Է Պենտագոնի մամուլի ծառայության ղեկավարի տեղակալ Ջամալ Բրաունի հայտրարության մեջ:

«Նախագահի կողմից տարածված կարգադրություններին համապատասխան նախարարության բոլոր զինվորականները եւ քաղաքացիական անձակազմը պետք Է տրամադրի պատվաստման իր կարգավիճակը: Դա անելն անհնար լինելու կամ չցանկանալու դեպքում անձնակազմը պարտավոր կլինի կրել դիմակներ, պահպանել սոցիալական հեռավորությունը, անել կանոնավոր թեստավորում եւ սահմանափակված կլինի գործուղումների ուղարկման հարցում»,- ասել Է գերատեսչության ներկայացուցիչը:

«Պաշտպանության նախարար Լլոյդ Օսթինը կսկսի նաեւ կոնսուլտացիաներ մեր բժշկական մասնագետների եւ զինված ուժերի Շտաբների պետերի կոմիտեի հետ՝ որոշելու համար, թե ինչ կերպ եւ երբ ներառել COVID-19-ի դեմ պատվաստանյութերի սահմանման մասին նախագահի հանձնարարականները զինվորական անձակազմի համար պահանջների լրիվ ցուցակում»,- նշել Է Բրաունը: ԱՄՆ-ի նախագահ Ջո Բայդենը, հուլիսի 29-ին ելույթ ունենալով Սպիտակ տանը, հայտնել Է, որ Պենտագոնին հաձնարարել Է մշակել զինծառայողների համար պարտադիր պատվաստման պլան, հաղորդել Է ՏԱՍՍ-ը: