Բարձր տեխնոլոգիական արդյունաբերության նախարար Վահագն Խաչատրյանը լրագրողների հարցադրմանը պատասխանեց, որ չի կարծում, թե իր նշանակումը շատ խիստ քաղաքական սկզբունքներից տարանջատվում է։
Խաչատրյանը նշեց, որ մոտեցումների խնդիր է․
«Երկու ձևով են կառավարությունը կազմում՝ քաղաքական դեմքեր և զուտ մասնագիտական հատկանիշներից ելնելով։ Այս առումով չեմ կարծում, որ իմ նշանակումը շատ խիստ քաղաքական սկզբունքներից տարանջատվում է։ Իմ անձնական մոտեցումն է, որ նախարարը պետք է լինի լավ կառավարիչ»,- նշեց նա։
Լևոն Տեր-Պետրոսյանի ակնարկի մասին, թե ՀԱԿ-ից իշխանություն գնացած գործիչների մոտ առնետավազք է, Խաչատրյանն ասաց․
«Չեմ պատասխանի, որովհետև Լևոն Տեր-Պետրոսյանն է»: