Մի քանի օր է ՀՀ սահմանների պաշտպանությունն ամբողջ ծավալով տեղափոխվել է Ազգային ժողով․ Բաբաջանյան

ՀՀ ազգային անվտանգության ծառայությունը տեղեկացնում է, որ օգոստոսի 25-ին ժամը 23:00-ի սահմաններում ադրբեջանական կողմը փակել է Կապան-Գորիս միջպետական ճանապարհի Կարմրաքար-Շուռնուխ հատվածը։ Կարծում եք պատահականությո՞ւն է։ Մոտ երկու շաբաթ է ադրբեջանցիները կրակում են Արցախում։ Մի քանի օր է ՀՀ սահմանների պաշտպանությունն ամբողջ ծավալով տեղափոխվել է Ազգային ժողով։ Երեք օր է նիստ է Հայաստանի խորհրդարանում։ Որևէ մեկը հիշո՞ւմ է՝ էս հարցերի վերաբերյալ քննարկում ՀՀ ԱԺ-ում։ Բա սա դավաճանություն չի՞։

Բա Բաքվի ռազմական ուսումնարանը ավարտած ՀՀ պաշտպանության նախկին նախարար Սեյրան Օհանյանը, ով երեկ պարզվեց, որ նռնականետման քննությունից կտրվել է, չի ուզո՞ւմ էս կարևոր հարցերի վերաբերյալ ելույթ ունենա, լսումներ կազմակերպի․․․ Թե՞ նրա տիրոջն ուրիշ հարցեր են հետաքրքրում, թե՞ Քոչարյանի պլաններում այս պահին պետականության հիմնահատակ դեմորալիզացիան և կազմաքանդումն է։

Դավաճա՞ն։ Մեղմ է ասված։

Արման Բաբաջանյանի ֆեյսբուքյան էջից։