ՀՀ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանն ԱԺ-ում այսօրվա իր ելույթի ժամանակ անդրադարձել է ԱԺ դահլիճում տեղի ունեցած երեկվա միջադեպին՝ դիմելով Սեյրան Օհանյանին։
«Երեկ Դուք խրամատավորվեցիք Ձեր աթոռին նստած և շիշ նետեցիք ԱԺ ամբիոնից խոսող պատգամավորի ուղղությամբ: Էս ամբիոնը ՀՀ ժողովրդի և ժողովրդավարության հավաքական հրապարակն է: Որևէ մեկը, երբ այս ամբիոնից կանգնած խոսում է, նա խոսում է ժողովրդի անունից և որևէ ոտնձգություն այս ամբիոնին կանգնած պատգամավորի ուղղությամբ, ոտնձգություն է ոչ թե տվյալ պատգամավորի կամ տվյալ խմբակցության, այլ ոտնձգություն է ժողովրդի նկատմամբ:
Դո՛ւք, պարոն Օհանյան, այս ամբիոնին հարվածելով, ևս մեկ անգամ ցույց տվեցիք Ձեր քաղաքական ինքնությունը, որը հիմնված է եղել ժողովրդին խփելու տրամաբանության վրա»,- ասաց Կոնջորյանը։
«Եվ մենք պատվով կատարելու ենք ձեր առջև ստանձնած մեր պարտավորությունը»,- ասաց նա:
